STUDIMI në Itali/ Nëse vaksionoheni kundër gripit do të ketë më pak vdekje dhe infeksione nga Covid-19

0
39

Vaksinat jo vetëm që mbrojnë kundër patogjenit të cilit i adresohen, por priren të rrisin reagimet imune të trupit në mënyrë të përgjithësuar, dhe kjo mund të ndihmojë në mbrojtjen kundër Sars-Cov-2 gjithashtu, duke ulur shanset e infektimit dhe duke zvogëluar ashpërsinë e simptomave dhe komplikimeve.

ITALI– Vaksinimi për grip mund të ndihmojë në parandalimin e përhapjes së koronavirusit. Kjo demonstrohet nga një studim i kryer nga Qendra e Kardiologjisë Monzino sipas të cilit gjatë periudhës së bllokimit, rajonet italiane ku popullsia mbi moshën 65 vjeç ishin vaksinuar, në këto vende kishte më pak infeksione, më pak pacientë të shtruar në spital, si dhe më pak vdekje nga Covid-19.  

“Ne kemi vlerësuar se një rritje prej 1% e mbulimit të vaksinimit në moshën mbi 65 vjeç mund të kishte shmangur 1,989 vdekje nga Covid, dhe 78,560 infeksione , 2,512 shtrime në spital, dhe 353 pranime në njësitë e kujdesit intensiv. Prandaj do të ishte e rëndësishme të inkurajohet sa më shumë që të jetë e mundur çdo aktivitet që mund të çojë në një rritje të mbulimit të vaksinimit, veçanërisht midis moshës mbi 65 vjeç” – thotë në një shënim Mauro Amato, studiues i Monzino.

Lidhja shkakësore

Sipas Amato, ky është një fakt i cili është konfirmuar gjithashtu nga rezultatet e hulumtimeve të ngjashme të kryera në vende të tilla si Brazili dhe që nëse tani për tani nuk mund të tregojë një lidhje shkakësore midis vaksinës së gripit dhe Covid, ajo përsëri na lejon të formulojmë disa hipoteza.

“Dihet që tek fëmijët, Covid 19 paraqitet me një incidencë më të ulët dhe simptoma që priren të jenë më të lehta”, – thekson Damiano Baldassare, koordinator i studimit. “Midis hipotezave të propozuara për të shpjeguar këtë rezistencë të lartë te fëmijët ekziston edhe fakti që në moshën pediatrike ata i nënshtrohen vaksinimeve të ndryshme të cilat mund të çojnë në krijimin e imunitetit”.

Efekti i sinergjisë

Me pak fjalë, vaksinat jo vetëm që mbrojnë kundër patogjenit të cilit i adresohen, por priren të rrisin reagimet imune të trupit në mënyrë të përgjithësuar, dhe kjo mund të ndihmojë në mbrojtjen kundër Sars-Cov-2 gjithashtu, duke ulur shanset e infektimit dhe duke zvogëluar ashpërsinë e simptomave dhe komplikimeve.

“Ne kemi vlerësuar se një rritje prej 1% e mbulimit të vaksinimit te mbi 65 vjeçarët mund të kishte shmangur 78,560 infeksione, 2,512 shtrime në spital, 353 shtrime në spital në kujdes intensiv dhe 1,989 vdekje nga Covid-19. Mesazhi që vjen nga studimi ynë është padyshim që të inkurajojë kryerjen e vaksinën kundër gripit në muajt e ardhshëm, si për mbi 65 vjeçarët ashtu edhe për popullatën në përgjithësi“, thotë Amato.

Sipas studimit nëse vaksinimi i bën të moshuarit dhe fëmijët më rezistentë, ka të ngjarë që do të bëjë të njëjtën gjë edhe te grupmoshat e tjera. Prandaj sa më shumë njerëz të vaksinohen, aq më shumë do të rritet rezistenca e popullatës ndaj virusit, dhe për pasojë qarkullimi i tij do të ulet.

 Burimi: agi.it

LEAVE A REPLY

Please enter your comment!
Please enter your name here